人生中第一次遇到被偷竊!!!!!! T____________T

我的iphone 6S plus在朗豪坊被偷了, 真的很無奈!!!! 用了三個月而已, 大拿拿唔見8千蚊!!!!! 而且也是人生第一次進入警局落口供, 雖然都知道不會找到, 但幸好有CID幫我落詳細口供, 警察都很好人, 身邊也有朋友幫我, 令我不會感到無助。

↓↓↓事發經過:
「其實我在朗豪坊4樓haagen-dazs落3樓的電梯前都仲有部電話在衫袋, 跟住落電梯個下被一個女人大力撞左一下, 撞開左我同我朋友, 跟住我們落完條長電梯之後, 我已經發現唔見電話。然後我朋友立即打去已經熄機, 前後唔到一分鐘。

一定係被人跟, 同埋有組織, 跟住我去報案, 已經有勁多單係咁。怪就怪我放褸袋, 易被偷。仲要個兩個女人係攞住好多紙袋, 一邊傾偈一邊行, 其中有個女人好大力撞開我, 我仲望下佢做咩事, 見佢攞住好多野, 所以唔覺得佢會係有問題, 個下意識唔到會被人偷野。

肯定唔止兩個人, 兩個女人負責撞開我, 另外一個人偷。因為個兩個女人應該係攞住好多野, 扮到好似SHOP完咁, 無手去偷野, 應該係第三個人偷。我搭完電梯想搵電話時立即發現唔見, 前後真係唔到一分鐘。」


這兩天已經講了太多次事發經過, 所以我都懶得再寫, 真係好肉痛好心傷, 好偷唔偷偷我全身最貴的東西, 我自己個人都無iphone咁值錢T____T 偷走都算, 我最驚最驚的是怕電話內的個人資料被盜, 大家都知現在智能手機實在無可避免地存有太多個人資訊。幸好朋友們都說現在科技先進, 不會那麼容易可以break到密碼, 而且我已經立即lock了機, 所以就算開機都不會用到我的電話。

這一年, 真心黑仔夠了, 2016年可不可以行個大運呀, 求下你啦神!!!!!

[2016/01/23 23:36] | 愛‧生活
引用:(0) |


小嘉
好慘...而家行街真係要小心d...
我好多時都唔敢放褸袋
點都要放手袋

留言:關閉▲
昨天回到起點所以今早起床超累,昨晚十時多太眼瞓打算只睡一會,但一睡便到早上,根本醒不起來(汗)。算是補回這兩天睡眠不足。

今天又一早起去TDC返兼職,職責是打電話去各國領事館confirm領事會否出席酒會,大部分時間用英文對話,但也要中英轉換(因為有時秘書是香港人),搞到我好混亂,哈哈。還有驚英文用語不夠禮貌,雖然他們未必介意,但領事都是位高權重的人,不夠禮貌好像不太好⋯⋯但我又不太懂得商業用語。

需要打的電話數量不多,所以很快便打完了,明天也不知道可以幹什麼(汗)。雖然兼職的工作完全不辛苦,但可能太久沒有早起工作,每天還是非常的累。在灣仔上班最好的地方是可以吃南記,真的又便宜又好好味!哈哈

[2016/01/07 13:59] | 愛‧生活
引用:(0) |